Lyrics has been copied to clipboard!
Adam se layi hai hasti me Aarzu e Rasool
Kahan kahan liye phirti hai justju e Rasool
Khusha woh dil ke ho jis dil mein Aarzu e Rasool
Khusha woh aankh jo ho mahv-e Husn-e Roo-e Rasool
Talaash-e Naqsh-e Kaf-e Paa-e Mustafa Ki qasam
Chune hain aankhon ne zarrat-e khaak-e Koo-e Rasool
Phir unke nashsha-e irfañ ka poochhna kya hai
Jo pee chuke hain Azal me maye suboo-e Rasool
Balaayeñ looñ teri ay jazb-e shauq Salle Ala
Ke aaj daaman e dil khich raha hai Soo-e Rasool
Shagufta Gulshan e Zahra ka har gul-e-tar hai
Kisi mein range Ali aur kisi me Boo-e Rasool
Ilaahi hashr meiñ UtThooñ maiñ is libas ke saath
Mali ho tan pe mere khaak-e paa-e Koo-e Rasool
Ajab tamasha ho maidan-e hashr Meiñ Bedam
Ke sab hon Pesh-e khuda aur main Roo ba Roo-e Rasool
